ᓄᕕᐱᕆ 7, 2016 – ᐃᖃᓗᐃᑦ, ᓄᓇᕗᑦ – ᐅᑲᓕᖅ ᐃᔨᑦᓯᐊᖅ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᔅᓯᕙᐅᑕᖓ, ᖁᕕᐊᓲᑎᖃᖁᔨᕗᖅ ᐅᑭᐅᖅᑕᖅᑐᒥ ᐊᒻᒪᓗ ᑕᐃᒃᑯᓂᖓ ᐊᖏᕐᕋᖃᕐᓂᕋᖅᐸᑦᑐᓂᒃ ᓄᕕᐱᕆᒥ 7 “ᐃᓄᐃᑦ ᐅᓪᓗᖓᓐᓂ”. 2006−ᒥ ᐅᑦᕿᐊᕝᕕᒃ ᓇᓗᓇᐃᖅᑕᐅᓚᐅᖅᓯᒪᔪᖅ ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᓐᓄᑦ ᐊᕐᕌᒍᑕᒫᑦ ᓇᓪᓕᐅᓂᖅᓯᐅᖃᑦᑕᕐᓗᑎᑦ ᓄᕕᐱᕆ 7−ᒥ, ᐆᒻᒪᑎᓪᓗᒍ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑕᑯᓐᓇᓚᐅᖅᓯᒪᔭᖓ, ᐃᐸᓐ ᕼᐊᑉᔅᓴᓐ ᐊᖏᔪᑦᑎ, “ᐃᓄᐃᑦ ᐅᓪᓗᖓ”.
ᐃᐸᓐ ᕼᐊᑉᔅᓴᓐ ᓯᕗᓕᖅᑎᑦᑎᐊᕙᐅᓚᐅᖅᓯᒪᔪᖅ ᐅᐊᑦᑎᐊᕈᐊᓗᓂᑦ ᐅᑭᐅᖅᑕᖅᑐᒥ ᐱᒋᐊᖅᑎᑦᑎᖃᑕᐅᓯᒪᓪᓗᓂᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓂ.
ᑕᕝᕙᓂ ᐊᕐᕌᒍᒥ, “ᐃᓄᐃᑦ ᐅᓪᓗᖓ” ᓇᓗᓇᐃᖅᓯᓯᒪᒻᒥᔪᖅ ᒪᑐᐃᓚᐅᖅᓯᒪᓂᖓᓐᓂ ᓯᕗᓪᓕᖅᐹᖓᓐᓂ ᐅᓪᓗᖓᓐᓂ 22−ᒋᓪᓗᓂᐅᒃ ᑲᑎᒪᓂᐅᔪᖅ ᐱᓕᕆᔨᓂᒃ ᓯᓚᕐᔪᐊᒥ ᑲᑐᔾᔨᖃᑎᒌᑦ ᑲᑎᒪᓂᐅᔪᖅ ᓯᓚ ᐊᓯᔾᔨᐸᓪᓕᐊᓂᖓᓐᓄᑦ ᒧᕌᑲᒃ, ᒧᕌᑯᒥ.
“ᐅᑭᐅᖅᑕᖅᑐᒥ ᐅᖓᓯᑦᑐᐊᓘᔪᒍᑦ, ᑭᓯᐊᓂᓕ ᓴᓐᖏᓂᖓᓐᓄ ᐃᐸᓐ ᕼᐊᑉᔅᓴᓐ ᐱᔪᒪᓂᖓᓐᓄᑦ ᐊᒻᒪᓗ ᓯᕗᕐᔪᐊᒥ ᓯᕗᓕᖅᑎᐅᓂᖓᓐᓄᑦ ᐱᔪᓐᓇᖅᓯᕗᒍᑦ ᐃᓕᕋᓱᒍᓐᓃᖅᑐᑕ ᐱᔪᓐᓇᐅᑎᑦᑎᓐᓂ ᑕᐃᒪᐃᓪᓗᐊᖅᑎᑕᐅᓂᕐᒥᓪ, ᑕᒪᒃᑯᐊ ᐅᖃᐅᓯᕆᓂᐊᖅᑕᕗᑦ ᐱᒻᒪᕆᐅᔪᑦ ᐊᔅᓱᕉᑕᐅᖃᑦᑕᖅᑐᑦ ᐃᓄᓐᓄᑦ ᐅᓪᓗᒥᐅᔪᖅ − ᓯᓚ ᐊᓯᔾᔨᐸᓪᓕᐊᓂᖓᓂ ᐅᑭᐅᖅᑕᖅᑐᒥ, ᐅᖃᐅᓯᐅᔪᖅ ᐅᑲᓕᒃ ᐃᔨᑦᓯᐊᕐᒧᑦ.
1978−ᒥ, ᐃᐸᓐ ᕼᐊᑉᔅᓴᓐ ᑕᕆᐅᑉ ᐊᑭᐊᓅᓚᐅᖅᓯᒪᔪᖅ ᐅᓂᒃᑳᕆᐊᖅᑐᖅᑐᓂ ᓚᓐᑕᓐ ᐱᕙᓪᓕᐊᔪᓕᕆᔨᒃᑯᖏᓐᓄᑦ, ᐅᖃᖅᑐᓂ “ᑲᓇᑕᐅᑉ ᒥᐊᓕᒐᐃᓪᓗ ᓄᓇᖓᓐᓂ ᐅᑭᐅᖅᑕᖅᑐᖓᓐᓂ ᐊᖏᔪᐊᓗᒃ ᓄᓇᖓ ᓂᕐᔪᑎᖃᐅᖅᑐᓂ ᓂᑲᓇᖅᑐᓂᒃ ᓂᕿᖃᖅᑎᐅᔪᓂᒃ ᐱᑕᖃᖅᑐᓂ ᐃᓄᓐᓄᑦ ᓂᕆᔭᐅᕙᑦᑐᓂᒃ ᑭᓯᐊᓂᓕ ᐱᒻᒪᕆᐅᓂᖏᓐᓂ ᐊᑦᑐᐊᔪᐃᓐᓇᐅᒻᒪᑕ. ᐃᓄᓪᓗᑕ ᐊᓯᕙᖅᑎᐅᒐᑦᑕ. ᐊᒥᓲᓐᖏᒻᒪᑕ ᐃᓄᐃᑦ ᐊᓯᕙᕈᓐᓇᖅᑐᑦ ᓇᒥᑐᐃᓐᓇᖅ ᓯᓚᕐᔪᐊᓕᒫᒥ, ᑭᓯᐊᓂᓕ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᓄᓕᖏᑦ ᐃᓚᒋᒻᒪᔾᔪᒃ.“
ᑕᒫᓂ ᐃᓄᐃᑦ ᐃᑲᔪᖅᑕᐅᔭᕆᐊᖃᓕᖅᑐᑦ ᓯᓚᕐᔪᐊᒥ ᐊᔅᓱᕉᑎᒋᔭᖏᓐᓄᑦ ᒪᑯᓂᖓ ᐅᖅᓱᐊᓗᓐᓂᐊᕈᒪᔪᓂᒃ ᐅᑭᐅᖅᑕᖅᑐᒥ ᐊᒻᒪᓗ ᐊᑦᑐᐃᓂᖃᕋᔭᕐᓂᖏᓐᓂ ᐅᑭᐅᖅᑕᖅᑑᑉ ᐃᒪᕐᒥᐅᑕᖏᓐᓂ ᓂᕐᔪᑎᓂᑦ.
ᑕᐃᒪᓐᖓᓂ 1978−ᒥᓂᑦ, ᐃᓄᐃᑦ ᐅᓪᓗᒥᐅᔪᖅ ᐊᔭᐅᖅᑐᐃᑲᓐᓂᖅᑐᑦ ᓯᓚᕐᔪᐊᒥ ᐱᒋᐊᖅᑎᑦᑎᖁᔨᓪᓗᑎᒃ. ᐅᑭᐅᖅᑕᖅᑐᒥ ᐊᔅᓱᕉᑎᖃᐃᓐᓇᕐᖓᑕ ᒥᔅᓴᐅᓴᒐᔅᓴᐅᓇᑎᓪᓗ ᐊᓯᔾᔨᐸᓪᓕᐊᔪᑦ. ᖃᐅᔨᒪᓂᒃᑯᑦ ᓯᕗᓕᖅᑎᐅᓂᒃᑯᑦ ᑲᒪᒍᓐᓇᕐᖓᑕ ᐃᓕᑦᑐᕐᓗᑎᓪᓗ ᓯᓚᐅᑉ ᐊᓯᔾᔨᕐᓂᖓᓐᓂ, ᑭᓯᐊᓂᓕ, ᐃᓄᐃᑦ ᑐᓴᖅᑎᑦᑎᓇᓱᐊᖅᑐᑦ ᓯᓚᕐᔪᐊᒥ ᑲᑉᐱᐊᓇᕐᓂᖓᓐᓂ − ᐱᓕᕆᖃᑎᖃᑦᑎᐊᕐᓗᑎᑦ, ᐋᖅᑭᐅᒪᔾᔪᑎᖃᑦᑎᑖᕋᓱᐊᕆᐊᖃᓕᖅᑐᑎᓪᓗ.
ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐱᓕᕆᖃᑎᖃᐃᓐᓇᕐᓂᐊᖅᑐᑦ ᑕᒪᒃᑯᓂᖓ ᓄᓇᖃᖅᑳᖅᑐᒥᓂᕐᓂᑦ, ᒐᕙᒪᒃᑯᓐᓂ, ᒐᕙᒪᐅᙱᑦᑐᑦ ᑲᑐᔾᔨᖃᑎᒌᖏᑦ, ᐊᓯᖏᓐᓂᓪᓗ ᐱᒻᒪᕆᐅᓂᖓᓐᓂ ᓄᓇᕗᑦ ᓯᓚᕐᔪᐊᒥ ᐊᒻᒪᓗ ᐱᔪᓐᓇᐅᑎᖏᑦ ᓄᓇᖃᖅᑳᖅᑐᒥᓂᓕᒫᑦ ᐱᒻᒪᕆᐅᓂᖏᓐᓂ.
ᐅᖃᐅᓯᕗᑦ ᐅᖃᐅᓯᖃᕐᖓᑕ ᐃᖅᑲᐅᒪᔭᐅᓯᒪᓕᖅᑐᓂᑦ 4000-ᓂᑦ ᐅᑭᐅᓂᑦ ᐃᓄᐃᑦ ᐊᓐᓇᐅᒪᓯᒪᔪᑦ ᐱᐅᖅᓱᐊᕐᓂᒃᑯᑦ ᐊᐅᓚᑦᑎᑦᑎᐊᕐᓂᒃᑯᑦ ᐅᑭᐅᖅᑕᖅᑑᑉ ᐃᓗᓕᕐᔪᐊᑯᓗᖏᓐᓂ − ᐃᐸᓐ ᕼᐊᑉᔅᓴᓐ − ᔫᓂ 13, 1977.
For more information contact: Carole Simon P: 613-563-2642 Email: csimon@inuitcircumpolar.com