Juuni 28, 2012−ngutillugu – Iqaluit, Nunavut – Kanatami sivuliqti Inuit Ukiuqtaqtumiuqatigiit Katimajinginnut Katiqatiliminiq sivuliqtinginnit Nunavut, Nunatsiap, ammalu Juukaan Aippiutillugu tavvani pinasuarusirmi uqaqatigiigutigijaukkanniqullugu piliriqatigiingnirmuungajut ukiuqtaqtumiuqatigiinut ammalu nunarjuami.
Inunnut sivuliqti Tuain Simis, Angajuqqaangat Inuit Ukiuqtaqtumiuqatigiit Katimajinginnut Kanatami, uqaujjigiaqtuminiq sivuliqtinit Iiva Aariarmik, Paap Maklaut, ammalu Tiurul Paslaski qimirrukullugit Inunnut isumasiuriqattaqujillutik ammalu Inuit Ukiuqtaqtumiuqatigiit Katimajinginnut namminiqaqatigijaujutitut piliriaqatigiigutauliraippata atsururnaqtut nunagijaujuni Ukiuqtaqtumi Kanatami, piluaqtumi tamakkua ukiuqtaqtumiuqatigiit.
“Marruuq pijariaqallarittuuq atuqtauliqtuuq Ukiuqtaqtumi”, uqaqtuminiq Simis. “Sivullirmi qaujigatta takullutalu atuqtumik Ukiuqtaqtumi asijjirniq namilimaaq ammalu sukattuulluni asijjipallianiq Tungilia nunarjuami kikkutuinnait uvattinuungajut sakituinnaaqtut ammalu piqataugumaviqaqsuti”. Tamakkua atsururnaqtut kamaginiarlugit, Simis uqaqtuminiq piliriqatigiikkanirniqsaulutik taakkua Inuit Ukiuqtaqtumiuqatigiit Katimajingit ammalu sivuliqtiit asingit piliriqataujut ukiuqtaqtumiuqatigiini nunarjuami kiugutauvuq tamatumunga.
Tamanna pillugu, Simis tikkuaqsuni Ukiuqtaqtumi Katimajinut, taakkua Inuit Ukiuqtaqtumiuqatigiit Katimajingita atainnarniarlutik piqatauvigiqattaniaqtangat itsivaarlutik katimatillugit ministait ammalu angajuqqautiit pilirijiit taakkunani sitamaujuqtuni Ukiuqtaqtumi Nunalirjuangujunut. Uqaqtuminiq katujjiqatiqariakkannirnikkut inuit ukiuqtaqtumiuqatigiit katimajingingnik sivuliqtiit isumaaluutigijarminnik uqausiqarunnaqattaniarmata ukiuqtaqtumi katimajinut aqqutigilugu katujjiqatigiiqatiqarniq Inuit Ukiuqtaqtumiuqatigiit Katimajinginnik. Uuvagut amisunik ajjigiigalannik isumaqaratta tukisijauqullugit taakkunani nunarjuami katimaviuvattuni, suurlu ukiuqtaqtumi katimajiit ammalu katujjiqatigiinnikkut sannginiqsakanniuvugut taimaak piliriqatigiilluta.”
Ammalukkanniq, Simis tusaruminaqtuunik marruunnik Tusaqtitsigutiqakkaniqsuni uqausiusimajut qaujijausimajunik Inuit Kalaałiit Nunaanimiut, Rasami, Alaaskami ammalu Kanatami pijunnaqsikanniqsimalirmata kamagunnanirmik amisunik tamakkuninga nutaanik ammalu tavvauliqtunik aksururnatuqsiunirnik. Sivulliqpaaq, Ukiuqtaqtumiuqatigiit Katimajingita Tukitaarutigisimajangat Ukiuqtaqtumi aulatsinirmut, nalunaiqsijuq qanuq Inuit piliriqatiqarunsarmangaata asiminnik qaujijautikkannirlugit aulatsinirmut pijunnautiit ammalu pijumajaujut. Tungilia, Ukiuqtaqtumiuqatigiit Katimajingita uqausiusimajut Qaujijausimajunik Aturunnaqtut atuqtautitauvallialutik atuagait inuit nunaani, nalunaijaisimammat sunanut inuit pivagiijaqsimammangaata piqatauniarlutik taikkununga ukiuqtaqtumiinngaaqsimanngittunik.
“Ukiuqtaqtumik aulatsiniq ammalu Ukiuqtaqtumi aturatsait taakkua marruuq upalungaijarsimavigijariaqarniqpaarijavut”, uqariakkanniqsuni Simis, “Mmalu tamakkua uqausiusimajut qaujijausimajunik ikajuqpammata upalugaijarnirmi”.
Katimaqatiqarniq sivuliqtinik ilagijamininga Qulinik Arraagutaarningata Ukiuqtaqtumi Sivuliqtiit Katimaninga, ammalu piqasiutijuminiulluni angajuqqaangannik Guvi’sin Katimajingit Nunarjuami.