Press Releases

Documenting our Progress

ᐃᓄᐃᑦ ᓯᕗᓕᖅᑏᑦ ᐊᒃᓱᕆᐊᕆᔭᖃᖅᐳᐳᑦ ᐅᑭᐅᖅᑕᖅᑐᒥ ᐊᐅᓚᑦᓯᓂᕐᒥᒃ, ᐊᑐᕈᓐᓇᖅᑐᑎᒍᑦ, ᐊᒻᒪᓗ ᐅᑭᐅᖅᑕᖅᑐᒥ ᑲᑐᔾᔨᖃᑎᒌᓐᓂᕐᒥᒃ ᑲᑎᒪᖃᑎᖃᕐᓂᒃᑯᑦ ᓄᓇᐃᑦ ᐊᕕᑦᑐᖅᑕᐅᓯᒪᓂᖏᑎᒍᑦ ᐱᖓᓱᓂᒃ ᐊᖓᔪᖅᑲᐅᑎᓂᒃ ᓯᕗᓕᖅᑎᓂᒃ

ᔫᓂ 28, 2012−ᖑᑎᓪᓗᒍ – ᐃᖃᓗᐃᑦ, ᓄᓇᕗᑦ – ᑲᓇᑕᒥ ᓯᕗᓕᖅᑎ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓄᑦ ᑲᑎᖃᑎᓕᒥᓂᖅ ᓯᕗᓕᖅᑎᖏᓐᓂᑦ ᓄᓇᕗᑦ, ᓄᓇᑦᓯᐊᑉ, ᐊᒻᒪᓗ ᔫᑳᓐ ᐊᐃᑉᐱᐅᑎᓪᓗᒍ ᑕᕝᕙᓂ ᐱᓇᓱᐊᕈᓯᕐᒥ ᐅᖃᖃᑎᒌᒍᑎᒋᔭᐅᒃᑲᓐᓂᖁᓪᓗᒍ ᐱᓕᕆᖃᑎᒌᖕᓂᕐᒨᖓᔪᑦ ᐅᑭᐅᖅᑕᖅᑐᒥᐅᖃᑎᒌᓄᑦ ᐊᒻᒪᓗ ᓄᓇᕐᔪᐊᒥ.

ᐃᓄᓐᓄᑦ ᓯᕗᓕᖅᑎ ᑐᐊᐃᓐ ᓯᒥᔅ, ᐊᖓᔪᖅᑳᖓᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓄᑦ ᑲᓇᑕᒥ, ᐅᖃᐅᔾᔨᒋᐊᖅᑐᒥᓂᖅ ᓯᕗᓕᖅᑎᓂᑦ ᐄᕙ ᐋᕆᐊᕐᒥᒃ, ᐹᑉ ᒪᒃᓚᐅᑦ, ᐊᒻᒪᓗ ᑎᐅᕈᓪ ᐸᔅᓚᔅᑭ ᕿᒥᕐᕈᑯᓪᓗᒋᑦ ᐃᓄᓐᓄᑦ ᐃᓱᒪᓯᐅᕆᖃᑦᑕᖁᔨᓪᓗᑎᒃ ᐊᒻᒪᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓄᑦ ᓇᒻᒥᓂᖃᖃᑎᒋᔭᐅᔪᑎᑐᑦ ᐱᓕᕆᐊᖃᑎᒌᒍᑕᐅᓕᕋᐃᑉᐸᑕ ᐊᑦᓱᕈᕐᓇᖅᑐᑦ ᓄᓇᒋᔭᐅᔪᓂ ᐅᑭᐅᖅᑕᖅᑐᒥ ᑲᓇᑕᒥ, ᐱᓗᐊᖅᑐᒥ ᑕᒪᒃᑯᐊ ᐅᑭᐅᖅᑕᖅᑐᒥᐅᖃᑎᒌᑦ.

“ᒪᕐᕉᖅ ᐱᔭᕆᐊᖃᓪᓚᕆᑦᑑᖅ ᐊᑐᖅᑕᐅᓕᖅᑑᖅ ᐅᑭᐅᖅᑕᖅᑐᒥ”, ᐅᖃᖅᑐᒥᓂᖅ ᒥᔅᑕ ᓯᒥᔅ. “ᓯᕗᓪᓕᕐᒥ ᖃᐅᔨᒐᑦᑕ ᑕᑯᓪᓗᑕᓗ ᐊᑐᖅᑐᒥᒃ ᐅᑭᐅᖅᑕᖅᑐᒥ ᐊᓯᔾᔨᕐᓂᖅ ᓇᒥᓕᒫᖅ ᐊᒻᒪᓗ ᓱᑲᑦᑑᓪᓗᓂ ᐊᓯᔾᔨᐸᓪᓕᐊᓂᖅ. ᑐᖏᓕᐊ ᓄᓇᕐᔪᐊᒥ ᑭᒃᑯᑐᐃᓐᓇᐃᑦ ᐅᕙᑦᑎᓅᖓᔪᑦ ᓴᑭᑐᐃᓐᓈᖅᑐᑦ ᐊᒻᒪᓗ ᐱᖃᑕᐅᒍᒪᕕᖃᖅᓱᑎ”. ᑕᒪᒃᑯᐊ ᐊᑦᓱᕈᕐᓇᖅᑐᑦ ᑲᒪᒋᓂᐊᕐᓗᒋᑦ, ᒥᔅᑕ ᓯᒥᔅ ᐅᖃᖅᑐᒥᓂᖅ ᐱᓕᕆᖃᑎᒌᒃᑲᓂᕐᓂᖅᓴᐅᓗᑎᒃ ᑖᒃᑯᐊ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᒻᒪᓗ ᓯᕗᓕᖅᑏᑦ ᐊᓯᖏᑦ ᐱᓕᕆᖃᑕᐅᔪᑦ ᐅᑭᐅᖅᑕᖅᑐᒥᐅᖃᑎᒌᓂ ᓄᓇᕐᔪᐊᒥ ᑭᐅᒍᑕᐅᕗᖅ ᑕᒪᑐᒧᖓ.

ᑕᒪᓐᓇ ᐱᓪᓗᒍ, ᒥᔅᑕ ᓯᒥᔅ ᑎᒃᑯᐊᖅᓱᓂ ᐅᑭᐅᖅᑕᖅᑐᒥ ᑲᑎᒪᔨᓄᑦ, ᑖᒃᑯᐊ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᐊᑕᐃᓐᓇᕐᓂᐊᕐᓗᑎᒃ ᐱᖃᑕᐅᕕᒋᖃᑦᑕᓂᐊᖅᑕᖓᑦ ᐃᑦᓯᕚᕐᓗᑎᒃ ᑲᑎᒪᑎᓪᓗᒋᑦ ᒥᓂᔅᑕᐃᑦ ᐊᒻᒪᓗ ᐊᖓᔪᖅᑲᐅᑏᑦ ᐱᓕᕆᔩᑦ ᑖᒃᑯᓇᓂ ᓯᑕᒪᐅᔪᖅᑐᓂ ᐅᑭᐅᖅᑕᖅᑐᒥ ᓄᓇᓕᕐᔪᐊᖑᔪᓄᑦ. ᐅᖃᖅᑐᒥᓂᖅ ᑲᑐᔾᔨᖃᑎᖃᕆᐊᒃᑲᓐᓂᕐᓂᒃᑯᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᖕᓂᒃ ᓯᕗᓕᖅᑏᑦ ᐃᓱᒫᓘᑎᒋᔭᕐᒥᓐᓂᒃ ᐅᖃᐅᓯᖃᕈᓐᓇᖃᑦᑕᓂᐊᕐᒪᑕ ᐅᑭᐅᖅᑕᖅᑐᒥ ᑲᑎᒪᔨᓄᑦ ᐊᖅᑯᑎᒋᓗᒍ ᑲᑐᔾᔨᖃᑎᒌᖃᑎᖃᕐᓂᖅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓂᒃ. “ᐅᕙᒍᑦ ᐊᒥᓱᓂᒃ ᐊᔾᔨᒌᒐᓚᓐᓂᒃ ᐃᓱᒪᖃᕋᑦᑕ ᑐᑭᓯᔭᐅᖁᓪᓗᒋᑦ ᑖᒃᑯᓇᓂ ᓄᓇᕐᔪᐊᒥ ᑲᑎᒪᕕᐅᕙᑦᑐᓂ, ᓲᕐᓗ ᐅᑭᐅᖅᑕᖅᑐᒥ ᑲᑎᒪᔩᑦ ᐊᒻᒪᓗ ᑲᑐᔾᔨᖃᑎᒌᓐᓂᒃᑯᑦ ᓴᙱᓂᖅᓴᑲᓐᓂᐅᕗᒍᑦ ᑕᐃᒫᒃ ᐱᓕᕆᖃᑎᒌᓪᓗᑕ.”

ᐊᒻᒪᓗᒃᑲᓐᓂᖅ, ᒥᔅᑕ ᓯᒥᔅ ᑐᓴᕈᒥᓇᖅᑑᓂᒃ ᒪᕐᕉᓐᓂᒃ ᑐᓴᖅᑎᑦᓯᒍᑎᖃᒃᑲᓂᖅᓱᓂ ᐅᖃᐅᓯᐅᓯᒪᔪᑦ ᖃᐅᔨᔭᐅᓯᒪᔪᓂᒃ ᐃᓄᐃᑦ ᑲᓛᖠᑦ ᓄᓈᓂᒥᐅᑦ, ᕋᓴᒥ, ᐊᓛᔅᑲᒥ ᐊᒻᒪᓗ ᑲᓇᑕᒥ ᐱᔪᓐᓇᖅᓯᑲᓐᓂᖅᓯᒪᓕᕐᒪᑕ ᑲᒪᒍᓐᓇᓂᕐᒥᒃ ᐊᒥᓱᓂᒃ ᑕᒪᒃᑯᓂᖓ ᓄᑖᓂᒃ ᐊᒻᒪᓗ ᑕᕝᕙᐅᓕᖅᑐᓂᒃ ᐊᒃᓱᕈᕐᓇᑐᖅᓯᐅᓂᕐᓂᒃ. ᓯᕗᓪᓕᖅᐹᖅ, ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᑐᑭᑖᕈᑎᒋᓯᒪᔭᖓᑦ ᐅᑭᐅᖅᑕᖅᑐᒥ ᐊᐅᓚᑦᓯᓂᕐᒧᑦ, ᓇᓗᓇᐃᖅᓯᔪᖅ ᖃᓄᖅ ᐃᓄᐃᑦ ᐱᓕᕆᖃᑎᖃᕈᓐᓴᕐᒪᖔᑕ ᐊᓯᒥᓐᓂᒃ ᖃᐅᔨᔭᐅᑎᒃᑲᓐᓂᕐᓗᒋᑦ ᐊᐅᓚᑦᓯᓂᕐᒧᑦ ᐱᔪᓐᓇᐅᑏᑦ ᐊᒻᒪᓗ ᐱᔪᒪᔭᐅᔪᑦ. ᑐᖏᓕᐊ, ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᐅᖃᐅᓯᐅᓯᒪᔪᑦ ᖃᐅᔨᔭᐅᓯᒪᔪᓂᒃ ᐊᑐᕈᓐᓇᖅᑐᑦ ᐊᑐᖅᑕᐅᑎᑕᐅᕙᓪᓕᐊᓗᑎᒃ ᐊᑐᐊᒐᐃᑦ ᐃᓄᐃᑦ ᓄᓈᓂ, ᓇᓗᓇᐃᔭᐃᓯᒪᒻᒪᑦ ᓱᓇᓄᑦ ᐃᓄᐃᑦ ᐱᕙᒌᔭᖅᓯᒪᒻᒪᖔᑕ ᐱᖃᑕᐅᓂᐊᕐᓗᑎᒃ ᑕᐃᒃᑯᓄᖓ ᐅᑭᐅᖅᑕᖅᑐᒦᙶᖅᓯᒪᙱᑦᑐᓂᒃ.

“ᐅᑭᐅᖅᑕᖅᑐᒥᒃ ᐊᐅᓚᑦᓯᓂᖅ ᐊᒻᒪᓗ ᐅᑭᐅᖅᑕᖅᑐᒥ ᐊᑐᕋᑦᓴᐃᑦ ᑖᒃᑯᐊ ᒪᕐᕉᖅ ᐅᐸᓗᖓᐃᔭᕐᓯᒪᕕᒋᔭᕆᐊᖃᕐᓂᖅᐹᕆᔭᕗᑦ”, ᐅᖃᕆᐊᒃᑲᓐᓂᖅᓱᓂ ᒥᔅᑕ ᓯᒥᔅ, “ᒻᒪᓗ ᑕᒪᒃᑯᐊ ᐅᖃᐅᓯᐅᓯᒪᔪᑦ ᖃᐅᔨᔭᐅᓯᒪᔪᓂᒃ ᐃᑲᔪᖅᐸᒻᒪᑕ ᐅᐸᓗᒐᐃᔭᕐᓂᕐᒥ”.

ᑲᑎᒪᖃᑎᖃᕐᓂᖅ ᓯᕗᓕᖅᑎᓂᒃ ᐃᓚᒋᔭᒥᓂᖓ ᖁᓕᓂᒃ ᐊᕐᕌᒍᑖᕐᓂᖓᑕ ᐅᑭᐅᖅᑕᖅᑐᒥ ᓯᕗᓕᖅᑏᑦ ᑲᑎᒪᓂᖓ, ᐊᒻᒪᓗ ᐱᖃᓯᐅᑎᔪᒥᓂᐅᓪᓗᓂ ᐊᖓᔪᖅᑳᖓᓐᓂᒃ ᒍᕕ’ᓯᓐ ᑲᑎᒪᔨᖏᑦ ᓄᓇᕐᔪᐊᒥ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.