Aatuaa, Antiuriju – Inuit Ukiuqtaqtumiiuqatigiit Katimajingit Kanata quviattut nalunaiqsimmata pikialasursuaq sivuliqtiit uqausinginni, uqaqtut Inuit sivukkaqtainiarngata aulattilutit imarmiutalirinirmit taikani Nunavummi Kanatamilu, ammalu Kalaałiit Nunaat.
Ippassaq, ikajuutiuniarluni Inuit Nunangannut ammalu Kanatamiutalimaanut, Sivuliqti Jastin Turuutuu ammalu Inuit Sivuliqtingit piliriqatigiiqattarniarniralauqtut, Gavamakkungillu Tanmaakmi ammalu Kalaałiit Nunaat, aaqqissuiniaqtutit ikupittulirinirmit imarmiutarnit aulattinirmit avatittinillu paqqittinirmit Pikialasursuarmi, aulattilutillu nuttarninginni Inuit tamaani.
Pikialasursuaq tukilik “ingirranirjuaraalummit”. Kalaałiisut (Uannangani Kalaałiit Nunaani) Attiqtausimajut tamanna uangnanganiittuq Imanginni aukkarnilik katujjaujuq Nunavummu ammalu Kalaałiit Nunaat. Aukkanniliq sikujunnangittuq sikuqarunnarnanilu imaviuningannut anurimullu. Piruqtulirjuaraaluk imarmiutarnit. Pikialarsuqsuaq anginiqpaattiaq aukkannilik ukiuqtaqtumi ammalu irniurviuvattunit pingannangani Ukiuqtaqtuup Kajjinganni.
Ukiugalannut aniguqtunut Inuit Ukiuqtaqtumiinguqatigiit Katimajingit Kanata piliriqatiqaqsimalirngata Inuit Ukiuqtaqtumiinguqatigiit Katimajinginni Kalaałiit Nunaanimiunit pivallianikkut, piliriqatigiittutillu tamatuminga Pikialasursuarmi Tilijaujjutiusimajumit. Tilijaujjutiusimajuq piliriqatigiigiaqarninginni inuit nunangannimmiut ammalu Kalaałiit Nunaamiut. Unikkaarmit saqqiilauqsimajut Nuuviippirimi 2017−mi taijaujuq Inuit Sikumiut Aqqutingit: Sivunittinni Pikialasursuaq. Atuqujaujunillu iluliqaqtuni piusivaalliqujaullutit Kanataup Gavamakkungit, Nunavummi ammalu Kalaałiit Nunaat.
Pingattiutillugu pigialilauqtuq taakkunanngat Kanataup Gavamakkunginni Inunnillu sivuliqtinik pimmariuninganni pigiaqpalliallutik piliriqatiqarniaqtutit Inunnit aulattilutit pimmariujunik imarmiutalirinirmit, ammalu nuttarninginni taakkuninga marruunnik nunaliinnik. Sivunittinni tamakkutua isirarniqattarlutit piuqsuaqtaunginnarlutit aulataulutit inunnut, inunnullu Nunaani. Pikialasursuaq tukiqarngat Inunnut Nunavummi ammalu Kalaałiit Nunaaniumitarnit,” uqaqtuni Inuit Ukiuqtaqtumiiuqatigiit Katimajingit Kanatami angijuqqaaq maanika ial-kanajuq. “inuqutivut tamatuminga tatiqainnaqattaqsimammata 1000−nginniittunit ukiunit niqissaqsiurviulluni, piqqusingit, kativviuvattunillu ilagiinnut, tamanna quviagillarittara ullumi pigiaqpallianialirngat ”
Pilirianguniaqtuq sivuvaqtittilutit pikialasursuaq assuruutiqarlutit taikani Tallurutiup Imanganni. Parnallutit malillugit nunaqaqqaaqtuminiiliit qallunaallu qaujimaningit, ammalu maliganginni katitausimajunik imarmiutalirinirmut aulattinirmit isumaliaminirnit ikupittulirinirmit atuqtauqattarlutit, pivalliaqattarlutit paqqitillutillu tamatuminga imavimmi ammalu ilulinginni Pikialasursuaq.
“Tamanna piarutauniaqtuq ikajuqtuqtauttiaqtualuk Inuit Nunalinginnut paqqittinikkut avatittinni ammalu piuqsuaqtaulutit uumajut ajjiunngittut tavvani,” uqaqtuq Maanika Ial-Kanajuq. “Uppirusuttiaratta tamakkua pigiarutiit ajjiungittut piviqaqtitaugata piliriqatigiilluta sanngatippalliatigasuarlutigu imavimmi paqqittiluta, sanngatippallialugillu, ukiuqtaqtumi katujjiningit inuit kamattiarlutit sivuttinnut atuinnauqullugit.”