Press Releases

Documenting our Progress

Naansi Qaritaq-Lintiul Taijaulauqtuq Issivautaup Tungilinganni Inuit Ukiuqtaqtumiinguqatigiit Katimajinginnut

Utupiri 1, 2017 – Aatuaa, Antiuriju – Inuit Ukiuqtaqtumiuqatigiit Katimajingit Issivautaq Ukaliq Ijitsiaq nalunaiqsilluni niruaqtaunirminit Nunavummi Maligaliurvimmi Ullutuinnautillugu, Sitipiri 29, 2017 akiliqsuqtaungilluni nuqqangakainnalaaqtuq Inuit Ukiuqtaqtumiuqatigiit Katimajinginni Utupirirasuarninganni 30, 2017.

Taini Inuit Ukiuqtaqtumiuqatigiit Katimajingit katimaninginni Nainmi, Nunatsiavut pinasuarusirilauqtatinni, isumaliulauqtut Naansi Qaritaq-Lintiul Issivautaukainnarniaqtuq Inuit Ukiuqtaqtumiuqatigiit Katimajinginnut niruaqtaujuqarasuarninganni. Qaritaq-Lintiul Issivautaunirmut piliriluni kamagijanginnillu Inuit Ukiuqtaqtumiuqatigiit Katimajingit allavinganni Kalaałiit Nunaanit, Alaaskami ammalu Sikaattami pijittirarninganni Inuit Ukiuqtaqtumiuqatigiit Katimajingit Kanatami Angijuqqaanguluni, ilaannikuinnaaqattarluni Kanatami Issivautausinnaarluni Inuit Ukiuqtaqtumiuqatigiit Katimajinginnut.

“Katimattiaqtualuulauqtugut nainmi parnautiliuqtuta pijassaliqpaaluulaaqtugu arraagugijattinni aujaulaaqturlu katimavijjualirutta Alaaskami. Upigusuttiaqtunga Inuit Ukiuqtaqtumiuqatigiit Katimajingit Sivuliqtinut Katimajinginni ammalu Inuit Ukiuqtaqtumiuqatigiit Katimajingit Kanatami Katimajinut uppirijaugama tamatuminga pimmariujumit silarjuami sivumuattiarasuarniatilluta Issivautaungittuqakainnatillugu”, uqaqtuni Qaritaq-Lintiul.

Ammalu uqausiqarlutit Inuit Ukiuqtaqtumiuqatigiit Katimajingit 13−nganni Katimavijjuaqtillugit, asinginni uqausiqalarmijut katimajjutiqarlutit Ukiuqtaqtumi Katimajiunirmit, ammalu Inuit Ukiuqtaqtumiuqatigiit Katimajingit katimaniulaaqtumi iimajulirinirmit aulattinirmut (Kanatami) ammalu Ilinniaqtulirinirmit (Kalaałiit Nunaani), saqqiqtaulaaqtutillu unikkat pikialasursuaq tilijaujjutausimajut ammalu Inuit Ukiuqtaqtumiuqatigiit Katimajingit ilagijauningit Silarjuami Katujjiqatigiit Timingit.

Tarrijaaqsaqtali piliriangusimajunik 40−nganni nalliuniqsiuninganni sivulliqpaami Inuit Ukiuqtaqtumiuqatigiit Katimajingit katimaninganni, Puurumi, Alaaskami 1977−mi takussaummijuq takunnaqtaujunnaqtunilu uvani https://youtu.be/hxgDyuUxvsM.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.