Aaggiissi 5, 2016 – Arviat, Nunavut – Ullumiujuq, Kanataup Gavamakkungit sivumuaqpalaligivut piliriniarninginni nunaqaqqaaqtuminirnit Ukiuqtaqtumiittunit.
Saqqiqtauninga taanna Minista Kiggaqtuijiuniaqtuq piliriqatiqaqattarniaqtuq uqaujjigiariqattarlunilu Gavamakkunnut tamatuminga tukiqattiaqtunit timiujunik ujjirijaugialinnik pijaugialinnillu inunnut asinginnullu ukiuqtaqtumi Kanatami tamanna pimmariummat atuliqtitaugialiik pilirianguniaqtunik Maajjimi 10, 2016 Mialigait-Kanatalu Piliriqatigiinninginni.
Naansi Qaritaq−Lintiul Angijuqqaaq Inuit Ukiuqtaqtumiuqatigiit Katimajingit Kanatami ullumiujuq upigivagiiqtuq Saimanmut uqaqtunilu, “Taanna uqausiuqqaujuq sivumuappallianiuniaqtuq tukiqattiaqtunilu Ukiuqtaqtumi Sivuliqtiujumit Iliqqusiunialiqtuq, Ilaliujjilunilu Inunnit.”
Ilisaqsilaurmijuq tikkuaqtausimaningani Miali Saiman Ministamut Kiggaqtuiniarluni, uqaqtunilu, “Pilirinikullarialuk taanna Inuk sivuliqti pimmariujuq qaujimattiaqtuq avittuqsimajunik, Kanatami silarjuamilu. Inulluni arnaq, upigittiaqtara tikkuaqtaummat pillarialummut”
Uqausiulauqtillugu tamanna Kanataup Gavamakkunginni piliriniarniralauqtanginni Nutaaruqtittilutit Inuit Gavamatuqakkullu piliriqatigiinninginni pilirijumaniqsaulutillu silamit ammalu uummaqqutilirinirmut piqujarnit tamatuminga ammalu pilirianginni nunamut Nunataarutingatta Angirutinganniittumit Ukiuqtaqtumi. Kanata piliriniarnirarmijuq tamakkuninga assuruutauvattunik aanniaqtailimajulirinirmut, ilinniaqtulirinirmut, nunaqaqqaaqtuminit uqausinginnut, pilimmapallianirmut, piluaqtumillu nunaqaqqaaqtuminirnit inuusuttunit. Tamanna iliqqusiujuq ukiuqtaqtumi sivuliqtiuniaqtunik pigiaqtittinittiavaugajaqtuq ukiuqtaqtumi katimajinginnut asinginnullu Silarjuami Katimaniujunut.
Qaritaq-Lintiul uqalauqtuq “piliriqatiqarumattiarngat Saimanmit piviqaqtitauninganni atuutiqattittiarniaqtanga ukiuqtaqtumi Inulirinirmillu Kanatami Silarjuamilu.”
For more information: Carole Simon ICC Canadacsimon@inuitcircumpolar.com613-563-2642